Daginn - Daginn

að ræna af mér er eins og ræna af öryrkja - ég á ekki pening og mun aldrei eiga pening! kannski það versta sem ég horfi í eftir að hafa mist veskið mitt, nb engu var stolið nema veskinu sjálfu með debet, visa og rauða kross skilríkjum, að tapa rán dýru strætó kroti - mér telst í huganum að það sé dýrasta kortið í endur nýjun. Lokaði öllum kortum, og ef stætó kortið týnist er það dýrasta kortið til að fá baka, dýrara en vísakortið. Í raun vorkenni ég þeim sem rændi mig, heill 4000 kall var í+krafsinu ekki slikk meir, jú ein evra og 200kr í kling, þar fór loksins kórnu safnið mitt. Ég vona bara að þetta hafi dugaði upp í góðan dóp fix - og verð mjög köld og óska hans ills framtíðar jafn vel alls hins besta!
...en þetta er ekki í fyrsta skiptið sem ég missi þetta veski, kannski gott að leðrið er áletrað mér, fáir sem geta tileinkað sér því ;)

Rauði krossinn leitar eftir aðstoð almennings til að gefa vel með farinn sparifatnað fyrir börn og fullorðna í sérstakri sparifatasöfnun næstkomandi laugardag. Með því að gefa í söfnun Rauða krossins er hægt að veita fjölskyldum og einstaklingum tækifæri til að eignast spariföt fyrir jólin í fataúthlutun félagsins eða fá þau á hagstæðu verði í verslunum Rauða krossins.

Fyrir rúmum mánuði var þriðja Rauða kross búðin opnuð að Laugavegi 116 rétt hjá Hlemmi. En þar fer nú einnig fram fataúthlutun á höfuðborgarsvæðinu á miðvikudögum milli kl. 10 og 14 og er gengið inn af bílastæði Grettisgötumegin. Auk nýju búðarinnar eru Rauða kross búðir á Laugavegi 6 og Strandgötu 24 í Hafnarfirði. Allur hagnaður af sölu fatnaðarins rennur í Hjálparsjóð Rauða krossins.
Tekið verður á móti sparifatnaðinum á átta stöðum á höfuðborgarsvæðinu (sjá meðfylgjandi auglýsingu).

Við hvetjum alla að taka þátt – gefum af okkur!

Með kveðju frá formanni URKÍR, María :)

Horfið með örðu auganu á umræður Helga Seljan og Geirs H Haarde í kastljósinu í kvöld. Datt algjörlega úr hlustunnar gírnum og einbeitingin fór að mestu leiti í að lesa myndmálið þ.e. að horfa á hvernig klippt er úr einu skoti í annað. Þrjú skot voru í boði, eitt á Geir, annað á Helga og hitt víðmynd sem beindist þó meir að Geir. Alveg fáránleg hreifing var á víðmyndinni sem færði sig lötur hægt frá vinstri til hægri, svona hreifing sem minnti mig á framvindar uppbyggingu í bíómynd. Þegar ég byrjaði að horfa á samtalið var kameran aðalega á Geir, enda skipti það mestu máli þar sem nauðsynlegt var að horfa á hann gera grein fyrir sínum málum. Eftir því sem lengdist á var farið að klippa mjög oft á milli þeirra og brjóta upp nærmyndir af þeim með þessari tilgangslausu víðmyndar hreyfingu. Að fór að fara verulega í taugarnar á mér þessi klipping og þurfa að horfa á Helga ekki gera neitt á meðan Geir var að tala. Ég fór að spá hvort þetta væri vísvitandi gert og kannski markvissara en maður áttar sig. Að upp úr miðju viðtali er farið að klippa mikið á milli til að brjóta upp áhorfið og gera fólk pirrað á kostnað viðmælandans.
Er ég ein um þetta eða hafa aðrir spáð í þessu?
Hér má sjá umrætt viðtal.

Hér með er það komið á hreint og ég ætla að vera ofboðslega dugleg fram í maí svo ég komist með astmafjallgöngu verkefninu, sem er á vegum astmafélagins, og fara á toppinn - Hvannadalshnjúk. Markmiðið er stórt, enn það á ekkert að vera því til fyrirstöðu verði ég dugleg héðan af að hreyfa mig að ég komist. Ég er eiginlega farin að hlakka til að takast á við áskorunina á sjálfa mig og drattast afstað. Í kvöld er það þolæfing í Laugadalnum þar sem ég mun hlunkast áfram - já það er komin tími til að hreyfa spikið enn aðalega að koma lungunum og hjartanu í samt horf. Horfast í augu við það að málið er orðið slæmt. Í byrjun mánaðarins fór hópurinn á Vífilsfellið sem var slatti erfitt og mér til háborinnar skammar að heyra sögur af Vífli þræl Ingólfs sem sagður er hafa skokkað þetta á 20 mínótum hvern dag til að gá til veðurs og hvort væri sjófært. Já þetta gat fólk gert í gamla dag, en þá var öldin víst önnur og lítið um sjónvarp og veðurfréttir - Nú situr nýaldarmaðurinn á sínum feita rassi og horfir á myndarlega sjónvarps manninn þylja upp romsu yfir veður komandi daga (og það er ekki fyrr en með reynslu áranna að í dag er ég farin að skilja helmigninn sem sagt er)
Já, nú er mál að taka sig á! :)
Var að lesa bloggfærslu hjá henn Eyrúnu Ellý - mæli með að fólk lesi og kommenti, sjálfbúin að kommenta, svo langt að það er byrjun á annari færslu hér :p http://eyrun.wordpress.com/

Það er kannski komin tími til að ég fari að halda út þessari bloggsíðu í staðin fyrir að vera á blog.is sérstaklega í ljósi þess að ég kemst ekki inn á innrivefinn minn þar vegna nettengi örðugleika sem tengjast proxy settings - svo ef þú kannt eitthvað í internettenginum og veist lausnina um proxy setup máttu hafa samband.
Kannski er ég hrikalega abbó og jafn vel sjúklega abbó að láta suma fara í taugarnar á mér - er þó meðvitað að vinna með sjálfa mig og að halda skapinu í skefjum ;) enn alveg er ég að verða þreytt á þessu trendi og maður er varla maður með mönnum nema maður skelli inn öðru hverju orði í setningu og tengi hana nætur-/dagvaktinni. "já sæll" ... alveg er þetta dæmi farið í taugarnar á mér, svo yfirþyrmandi og uppáþrengjandi er þetta --- þetta er að verða stéttar skipt, þeir sem hafa tök á að borga fyrir stöð 2 og geta því slegið um sig með "gullhömrum" úr síðustu þáttum N-/D-vaktin slengja þeim vilt og galið framan í mann og maður fær sko að finna fyrir því að vera ekkert að fylgjast með :D hehe... ég er að sjálfsögðu öfundsjúk þar sem ég hef ekki efni á stöð 2 ... nini, bara biðja fólk að fara að stilla þessu kommenti í hóf, vera sjálfstæðara, kreatívara og bara finna eitthvað annað - öllu má ofgera og já sæll er þar í fyrsta sæti! :)
sæll að sinni - sjá allir þessa færslu mjög seint