Daginn - Daginn

Hitti stelpurnar á Ölstofunni yfir bjór í gær, nokkuð fínt bara. Leiðinlegt að Þóra fékk ekki að munda myndavélina, hún var vinsamlegast beðin um að taka ekki myndir. En við vorum rosalega duglegar að semja ljóð á mótmælendakort gegn virkjunum og langar mig að deila þeim með ykkur.

Fagur fugl í fjalllendi
deyr út af votlendi
hvað er að sjá, lendi?
Það myndar foklendi

Sjáið foss á fjöllum
hverfur bráðum öllum
fólk skiptist á köllum
á alþingis pöllum.

Fyrra ljóðið var samið á kort með mynd af heiðargæsinni. Seinna ljóðið var samið á kort með mynd af fossi.

Góðri helgi senn að ljúka og líkur á rólegu nótunum. En að baki er heldur aktíf helgi sem byrjaði á því að stjórn URKÍ-R fór út úr bænum á vinnuhelgi. Komum svo í bæinn á laugardeginum. Þá kíkti ég með stelpunum á bjórkvöld hjá skólanum á Gaukinn. Mega stuð, hitti svo Unni og Lilju á Kjallaranum þar sem einhver sýru DJ spilaði um kvöldið. Mér leið eins og ég væri á einhverju meira en undir áhrifum áfengis við þessa tónlist. Nú mér tókst að læsa mig inn á klósettinu og hoppaði eitthvað upp og lenti svo heldur illa og held að ég hafi sprengt æð sem var viðbjóðslega vont. En ég komst út... :p Nú seint og síðar meir hringdi ég svo í Hillu, sem var farin heim. Og bað um far því hún var búin að bjóða mér það. TAKK elsku Hilla mín! :D Og í dag missti ég mig fyrir framan sjónvarpið þegar Ísland vs. Tékkland léku. Leikurinn var vægast sagt spennandi og stóð ég upp í sófa og út á gólfi... en ætla að fara og horfa á Blindsker :)